«Թվապատում 2015» լրագրողական մրցույթ
2015 թ. սեպտեմբերի 25-ին «Լոֆթ» ինքնազարգացման կենտրոնում ամփոփվեց Մեդիա նախաձեռնությունների կենտրոնի կազմակերպած «Թվապատում 2015. պատմություններ փոփոխությունների մասին» լրագրողական մրցույթը: Մրցույթին ներկայացված 72 հայտերից ժյուրին ընտրեց ու հայտարարեց լավագույններին:
Ըստ մրցույթի կազմակերպիչների և ժյուրիի` «Թվապատում 2015»-ում հաղթող ճանաչվեցին և պարգևատրվեցին լրագրողների այն աշխատանքները, որոնք վերաբերում են Հայաստանում ընթացող բարեփոխումներին և աչքի են ընկնում իրենց քննադատական մտածողությամբ, յուրահատուկ ստեղծագործական մոտեցմամբ, համարձակությամբ ու հավասարակշռվածությամբ:
Անվանակարգերն ու մրցանակակիրները
Մրցանակաբաշխության օրը «Թվապատում 2016»-ի խորհրդանիշ-պարգևներն ու 200 000 – 300 000 դրամի չափով մրցանակներ հանձնվեցին մրցույթի 4 հիմնական անվանակարգերում: 5-րդ՝ «Ես քվեարկում եմ» անվանակարգի հաղթողը որոշվեց 1 ամսվա ընթացքում լսարանի առցանց քվեարկության արդյունքում ու պարգևատրվեց 100 000 դրամով:
Անվանակարգերն ու մրցանակակիրները
Մրցանակաբաշխության օրը «Թվապատում 2015»-ի խորհրդանիշ-պարգևներն ու 200 000 – 300 000 դրամի չափով մրցանակներ հանձնվեցին մրցույթի 4 հիմնական անվանակարգերում: 5-րդ՝ «Ես քվեարկում եմ» անվանակարգի հաղթողը որոշվեց 1 ամսվա ընթացքում լսարանի առցանց քվեարկության արդյունքում ու պարգևատրվեց 100 000 դրամով:
ԳՈՐԾՈՂ ԱՆՁ (HOMO AGENDI)
Այս անվանակարգում հաղթող ճանաչվեց Aravot.am-ում հրապարակված Լիլիթ Առաքելյանի «Հաջողակը՝ մանկատնից. երբ մանկատունը ոչ թե մեկուսացման, այլ նոր դռներ բացելու միջոց է դառնում» հոդվածը:
«Գործող անձ» անվանակարգում մրցանակ ստացավ ինչպես նյութի հեղինակը, այնպես էլ նրա հերոսը՝ Սրբուհի Աղաբաբյանը:
Երկուսն էլ արժանացան 300 000-ական դրամի:
ԴԻՏԱԿ. ՀԵՏԱՔՆՆԱԿԱՆ ԼՐԱԳՐՈՒԹՅՈՒՆ
Այս անվանակարգի 250 000 դրամ մրցանակը շնորհվեց Անի Հովհաննիսյանին և Մարինե Մադաթյանին` Hetq.am-ում հրապարակված «Ժամկետն անց ռենտգեն սարքեր. ռադիացիոն անվտանգությունը Հայաստանում փակ թեմա է» նյութի համար։
Խրախուսական՝ 50 000 դրամ մրցանակով պարգևատրվեց iravaban.net-ում հրապարակված՝ Աստղիկ Կարապետյանի «755 միլիոն դրամով կառավարության կողմից գնված բնակարանների հետքերով» նյութը։
ՌԵԻՆՖՈՐՄԱՑԻԱ. ԲԱՐԵՓՈԽՈՒՄՆԵՐԻ ԼԱՎԱԳՈՒՅՆ ԼՈՒՍԱԲԱՆՈՒՄ
Այս անվանակարգում մրցանակակիրներ դարձան Զարուհի Մեջլումյանը՝ Hetq.am-ում հրապարակված «Հայաստանը կունենա ԴՆԹ փորձաքննության վերջին սերնդի գործիք» և Արտակ Համբարձումյանը՝ Civilnet.am-ում հրապարակված «Քո գրպանից՝ նախարարի զարմիկին» լրագրողական աշխատանքների համար։
ՄԵԴԻԱ 3.0. ՏԵԽՆՈԼՈԳԻԱՆԵՐԻ ԼԱՎԱԳՈՒՅՆ ԿԻՐԱՌՈՒՄ
Այս անվանակարգում մրցանակ ստացավ Անի Հովհաննիսյանի և Նարեկ Ալեքսանյանի՝ Hetq.am-ում հրապարակված «Հայաստանի օրինական և անօրինական աղբավայրերը. Տավուշի մարզ» մուլտիմեդիա նյութը։
Հաղթող նյութն արժանացավ 200 000 դրամի:
ԵՍ ՔՎԵԱՐԿՈՒՄ ԵՄ. ԼՍԱՐԱՆԻ ՎՍՏԱՀՈՒԹՅԱՆ ՄՐՑԱՆԱԿ
Մրցանակաբաշխությունից հետո առցանց քվեարկության դրվեցին ժյուրիի կողմից ընտրված լավագույն 20 աշխատանքները: Մեկ ամիս տևած քվեարկության արդյունքում լսարանի մրցանակին արժանացավ «Հետք» պարբերականում հրապարակված՝ Մհեր Ենոքյանի Ամեն օր գալիս եմ Սլավոնական համալսարան ու «Հետքի» խմբագրություն նյութը, որը պարգևատրվեց
100 000 դրամով:
«Թվապատում 2015» մրցանակաբաշխության տեսանյութը
«Թվապատում 2015»-ի ժյուրիի կազմը
ՄԵՍՐՈՊ
ՀԱՐՈՒԹՅՈՒՆՅԱՆ
Մեդիա փորձագետ, ԶԼՄ-ների դիտորդ մարմնի համակարգող, Բրյուսովի անվ. Երևանի պետական լեզվահասարակա- գիտական համալսարանի դասախոս
ՏԻԳՐԱՆ
ՊԱՍԿԵՒԻՉՅԱՆ
Գրող, հրապարակախոս, փաստավերագրա- կան ֆիլմերի սցենարիստ և հեղինակ, «Վերսուս» ստուդիայի սցենարիստ
ՄԱՆԱՆԱ
ԱՍԼԱՄԱԶՅԱՆ
Մեդիա մենեջեր, Ռուսաստանի հեռուստաակադե- միայի անդամ, Ռուսաստանում «Ինտերնյուսի» նախկին տնօրեն
ԳՆԵԼ
ՆԱԼԲԱՆԴՅԱՆ
Արմենիա» հեռուստաընկերու- թյան լրատվական դեպարտամենտի և newmag ամսագրի գլխավոր խմբագիր, հեռուստալրագրու- թյան դասախոս
ԶԱՐՈՒՀԻ
ՍԱՐՎԱՐՅԱՆ
Հանրային հեռուստաընկերու- թյան «Առաջին ալիք» լրատվական ծառայության լրագրող (2006-2014 թթ.), այժմ՝ հանրային կապերի մասնագետ Մեծ Բրիտանիայում