Արդեն տասնմեկերորդ տարին անընդմեջ անցկացվող «Թվապատում» մրցույթի առանցքում որակյալ և պատասխանատու լրագրության զարգացումն է, մարդակենտրոն պատմությունների ստեղծումն ու տարածումը, նորարար մոտեցումների, ժամանակակից գործիքների կիրառումը, մասնագիտական էթիկայի սկզբունքների պահպանումը և արժևորումը։

Պահպանելով «լրագրողներին պետք է գնահատեն լրագրողները» սկզբունքը՝ այս տարի հանձնաժողով էինք հրավիրել «Թվապատման» հավատարիմ գործընկերներին՝ այն լրատվամիջոցներին, որոնք իրենց նյութերով նպաստել են մրցույթի կայացմանը, որակյալ լրագրության զարգացմանը և լսարանին ցույց են տվել մասնագիտության մարդկային, խիզախ, կիրթ ու նվիրված կողմը։ «Թվապատում 2025» մրցութային հանձնաժողովի կազմում էին վերջին 10 տարվա ընթացքում ամենաշատ մրցանակներ ստացած լրատվամիջոցների՝ «Հետք»-ի, «Մեդիամաքս»-ի և «Ինֆոքոմ»-ի պատվիրակները․

• Դավիթ Ալավերդյան, գլխավոր խմբագիր, Մեդիամաքս,
• Տիրայր Մուրադյան, լրագրող, Հետք,
• Սևակ Մամյան, խմբագիր, Ինֆոքոմ

Ավանդաբար  ժյուրիի կազմում է ընդգրկվել Թվապատում 2024-ի «Գործող անձ» անվանակարգի մրցանակակիր՝ «Առավոտ»-ի լրագրող Տաթևիկ Հարությունյանը։

Արտակարգ գրություն անվանակարգում աշխատանքները գնահատել է նաև Կարմիր խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին, իսկ Լուսաբանելով գիտությունը անվանակարգի գնահատմանը մասնակցել է Գիտուժ նախաձեռնության Հանրայնացման և հասարակության հետ կապերի ղեկավար Լիլիթ Մարգարյանը։

Հանձնաժողովի գնահատականների և ամփոփիչ քննարկման արդյունքում ընտրվել են հաղթողները, որոնք մրցանակաբաշխության ընթացքում ստացան դրամական պարգևներ և «Թվապատում» խորհրդանշական արձանիկներ:

«Թվապատում 2025»-ի Գործող անձ (Homo Agendi) անվանակարգում հաղթող ճանաչվեց «Ազատություն» ռադիոկայանի լրագրող Նարինե Ղալեչյանի՝  4 տարի, 1454 պարկ աղբ․ Հակոբ Միկոյանի մաքուր պայքարը ազդեցիկ ու ինքնատիպ պատմությունը և 250․000-ական դրամական պարգև շնորհվեց նյութի հեղինակին և հերոսին։ Հիշեցնենք, որ «Գործող անձ» ավանդական անվանակարգի առանցքում հերոսն է՝ իր նախաձեռնություններով, միջավայրն ու իրավիճակը փոխելու և բարելավելու ձգտումով։ Այս անվանակարգում հատուկ մրցանակի և 150․000 դրամ պարգևի արժանացավ նաև «Ազատություն» ռադիոկայանի լրագրող Հասմիկ Սմբատյանը՝ իր «Հունց ապրինք» շարքի համար։ Նույն անվանակարգում խրախուսական մրցանակի 50․000 դրամ պարգևի արժանացավ Լուսինե Հակոբյանը՝ Պայքար երկու ճակատում․ ըմբշամարտի զինվորականների աշխարհի առաջնության չեմպիոն Անդրանիկ Ավետիսյան պատմության համար։

Դիտակ հետաքննական լրագրության անվանակարգում մրցանակակիր դարձավ և 200․000 դրամով պարգևատրվեց «Ազատություն» ռադիոկայանի խմբագիր Հեղինե Բունիաթյանը իր Երբ, ով և ինչ է բանակցել Մեղրիի շուրջ՝ ըստ Պետդեպի գաղտնազերծած փաստաթղթերի նյութի համար։

Տուն և տեղ անվանակարգում հաղթող ճանաչվեց և 200․000 դրամով պարգևատրվեց Սիվիլնեթի լրագրող Լուսինե Վարդանյանը՝ Դիսկո «Զարթոնք»․ տիեզերք հասած հայկական կոլխոզը տեսանյութի համար։ Այս անվանակարգում դիտարկվում են քաղաքային ու գյուղական համայնքերի զարգացման մասին պատմությունները:

Ականջօղ անվանակարգում, որը խրախուսում է կնոջ ու տղամարդու հավասարության, նրանց դերերի ժամանակակից ընկալումների լուսաբանումը, հանձնաժողովը հաղթող ճանաչեց և 200․000 դրամով պարգևատրեց Ամփոփ մեդիայի լրագրող Լիլիթ Հովհաննիսյանին՝ Դատարկ աթոռներ, լռեցված ձայներ․ Գենդերային հավասարության պայքարը ՏԻՄ-երում նյութի համար։

Այս անվանակարգում հանձնաժողովն առանձնացրեց նաև Բուն TV-ի լրագրողներ Լիլիթ Մուսյուկի և Արեն Ոսկանյանի հեղինակած «Ազատագրված տղամարդիկ» շարքը մասնագիտական բարձր որակի տեսանկյունից։

Ճգնաժամերի և հակամարտությունների մարդասիրական խնդիրներին առնչվող Արտակարգ գրություն անվանակարգում հաղթող ճանաչվեց և 200․000 դրամով պարգևատրվեց Սիվիլնեթի լրագրող Հայկ Ղազարյանը Սեպտեմբերի 25․ վերջին «կրակը» մարող Արցախում տեսանյութի համար։ Այս անվանակարգում հանձնաժողովը հատուկ մրցանակ շնորհեց և 150 000 դրամով պարգևատրեց Մեդիալաբի լրագրող Վահե Ներսիսյանին՝ Ջեկո ձի պատմությունը կոմիքսների միջոցով հետաքրքիր ներկայացնելու համար։

Լուսաբանելով գիտությունը անվանակարգում հանձնաժողովը հիմնական մրցանակ չշնորհեց։ Այս անվանակարգում հատուկ մրցանակ և 150․000 դրամ պարգև ստացավ Սիվիլնեթը գիտական թեմաները հետևողականորեն և շարունակական հանրահռչակելու համար։

The post «Թվապատում 2025»-ը հայտարարեց մրցանակակիրներին appeared first on Contest Tvapatum.

Արդեն տասներորդ տարին անընդմեջ անցկացվող «Թվապատում» մրցույթի առանցքում որակյալ և պատասխանատու լրագրության զարգացումն է, մարդակենտրոն պատմությունների ստեղծումն ու տարածումը, նորարար մոտեցումների, ժամանակակից գործիքների կիրառումը, մասնագիտական էթիկայի սկզբունքների պահպանումը և արժևորումը։

«Թվապատում 2024»-ն իրականացվում է ԱՄՆ Միջազգային զարգացման գործակալության աջակցությամբ՝ «Հայաստանի մեդիայի զարգացման» ծրագրի և Եվրոպական միության կողմից ֆինանսավորվող «Մեդիայի որակի և դիմակայունության նախաձեռնություն» ծրագրի շրջանակում: Մրցույթի աջակիցներն են նաև «Ֆրիդրիխ Նաումանի հիմնադրամ – Հայաստանը», Կարմիր խաչի միջազգային կոմիտեն և «Գիտուժ» նախաձեռնությունը:

«Թվապատում 2024» մրցութային հանձնաժողովի կազմում մեդիադաշտի և քաղաքացիական հասարակության ներկայացուցիչներ էին․

• Գայանե Միրզոյան, գլխավոր խմբագիր, Ուրբանիստա,
• Գնել Նալբանդյան, գլխավոր խմբագիր, Նյումեգ ամսագիր,
• Հրաչուհի Ութմազյան, Մեդիա ակադեմիայի ղեկավար, հաղորդավար, Առաջին ալիք,
• Արմեն Գրիգորյան, «Ֆրիդրիխ Նաումանի հիմնադրամ – Հայաստան» ծրագրերի ղեկավար,
• Անահիտ Գևորգյան, Թվապատում 2023-ի «Գործող անձ» անվանակարգի հերոս:

Հանձնաժողովի գնահատականների և ամփոփիչ քննարկման արդյունքում ընտրվել են հաղթողները, որոնք մրցանակաբաշխության ընթացքում ստացան դրամական պարգևներ և «Թվապատում» խորհրդանշական արձանիկներ:

«Թվապատում 2024»-ի Գործող անձ (Homo Agendi) անվանակարգում հանձնաժողովը հիմնական հաղթող չընտրեց։ Սակայն հաշվի առնելով անվանակարգի կարևորությունը՝ սահմանվեց հատուկ մրցանակ և 150․000 դրամով պարգև շնորհվեց Առավոտի լրագրող Տաթևիկ Հարությունյանին »Ուզում եմ, որ մարդիկ մարդ մնան ու սիրով մնան»․ Գոհար Պետրոսյան  նյութի հեղինակին և հերոսին։ Նույն անվանակարգում խրախուսական մրցանակի և 100․000 դրամ պարգևի արժանացավ News.am-ի լրագրող Թագուհի Մելքոնյանը և նյութի հերոսը՝ Աշոցքից Քաղսի․ ֆիզկուլտուրայի ուսուցչի հիմնած ֆուտբոլի աղջիկների թիմը կարծրատիպեր է կոտրում  նյութի համար։

Դիտակ հետաքննական լրագրության անվանակարգում մրցանակակիր դարձավ և 250․000 դրամով պարգևատրվեց «Հետքի» լրագրող Անյա Սարկիսովան՝ Դեղերի սև շուկա․ ինչու՞ որոշ դեղեր չեն գրանցվում, բայց վաճառվում են նյութի համար։

Հանձնաժողովը առանձնացրեց նաև Ֆակտոր TV-ի լրագրող Նարեկ Կիրակոսյանի Ով է Երևանին ծառեր մատակարարել․ գործարքը՝ Հակակոռուպցիոն կոմիտեի ուշադրության կենտրոնում հետաքննությունը։ Որոշվեց լրագրողին խրախուսական մրցանակ շնորհել և 100 000 դրամով պարգևատրել՝ հետաքննական լրագրության ժանրում հաջող քայլեր կատարելու համար։

Մրցույթի նոր՝ Տուն և տեղ անվանակարգում հաղթող ճանաչվեց և 250․000 դրամով պարգևատրվեց «Սիվիլնեթի» լրագրող Լուսինե Վարդանյանը՝ Դբա Դեբեդ․ գետի անաղմուկ աղտոտումը ֆիլմի համար, որն անդրադառնում է հրատապ և արդիական խնդիրներ ունեցող տարածաշրջանին։ Այս անվանակարգում դիտարկվում են քաղաքային ու գյուղական համայնքերի զարգացման, ապրելու և գործելու պայմանների, հարմար ու ապահով միջավայրի թեմաներով լավագույն վերլուծական աշխատանքները։

Մեդիա 3.0 տեխնոլոգիաների լավագույն կիրառման անվանակարգում հաղթող նյութը «Ինֆոքոմի» «Մարզային համայնքների յուրաքանչյուր 4-րդ պաշտոնյան չի ներկայացրել առնվազն 1 հայտարարագիր» ծավալուն աշխատանքն էր: 250 000 դրամով պարգևատրվեցին «Ինֆոքոմի» լրագրողներ Սուսինա Խաչատրյանը և Լիլիթ Գրիգորյանը։

Հանձնաժողովը խրախուսական մրցանակ շնորհեց և 100 000 դրամով պարգևատրեց Ազատություն ռադիոկայանի լրագրող Հասմիկ Սմբատյանին «Վտանգավոր» ու «անվտանգ» ձայնային նռնակը. ի՞նչ էր ասում Նիկոլ Փաշինյանը 2018-ին և 2024-ին կարճ տեսանյութի համար։

Մրցույթի հաջորդ նոր՝ Ականջօղ անվանակարգում հանձնաժողովը ևս հիմնական մրցանակ չսահմանեց և փոխարենը հանձնեց երկու հատուկ մրցանակ և 150 000-ական դրամով պարգևատրեց «Սիվիլնեթի» լրագրող Լյուդմիլա Շիրվանյանին՝ ազգային փոքրամասնության համայնքում կրթության խնդրին անդրադարձած Եզդի կինը կոտրում է կարծրատիպերը տեսանյութի համար և Regional Post-ի լրագրող Անժելա Ալեքյանին Women in Numbers հոդվածում կանանց ներգրավվածությունը աշխատաշուկայում թեման վերլուծելու համար։

Այս անվանակարգը խրախուսում է գենդերային հավասարության, կնոջ ու տղամարդու դերերի ժամանակակից ընկալումների, համայնքային, հանրային ու պետական մակարդակներում առկա խնդիրների լուսաբանումը։

Արտակարգ գրություն անվանակարգում հանձնաժողովը հաղթող ճանաչեց և 250․000 դրամով պարգևատրեց «Սիվիլնեթի» լրագրող Հայկ Ղազարյանին՝ Կիլոմետրերով չոքեչոք․ Ամարասից Քերթ․ Թաթուլ Խաչատրյանի պատմությունը հրապարակման համար։

Այս անվանակարգում հանձնաժողովը հատուկ մրցանակ շնորհեց և 150 000 դրամով պարգևատրվեց Ռիմա Գրիգորյանին Կուզե՞ս քեզ մեր պատերազմը պատմեմ հրապարակման համար։ Այն անդրադառնում է խոցելի խմբերին, էթիկական հարցերին և Արցախից տեղահանված երեխաների կյանքին՝ նոր իրականությունում։

Լուսաբանելով գիտությունը անվանակարգում հաղթող ճանաչվեց և 200․000 դրամով պարգևատրվեց «Ինֆոքոմի» Զարա Խաչատրյանը՝ Գիտարբուք շարքի համար։

Այս անվանակարգում խրախուսական մրցանակ և 100 000 դրամ պարգև շնորհվեց «Ինֆոքոմի» լրագրող Անի Խաչատրյանին՝ Զորաց քարեր հոդվածի համար։

Ավանդույթի համաձայն հանձնաժողովը նաև հատուկ մրցանակ շնորհելու որոշում կայացրեց։ «Թվապատում 2024» ամենամյա մրցույթի հատուկ մրցանակ և 150․000 դրամ պարգև ստացավ Բուն թիվին՝ անցած 13 տարիների ընթացքում գիտական թեմաները հանրահռչակելու և շարունակական նվիրվածության համար։

«Թվապատում 2024» լրագրողական մրցույթը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով: 

«Թվապատում 2024» լրագրողական մրցույթը կազմակերպվում է Եվրոպական միության ֆինանսական աջակցությամբ:

«Թվապատում 2024» լրագրողական մրցույթին աջակցում են նաև Ֆրիդրիխ Նաուման հիմնադրամը, Կարմիր խաչի միջազգային կոմիտեն և «Գիտուժ» նախաձեռնությունը: 

The post Ամփոփվեց «Թվապատում 2024» լրագրողական մրցույթը appeared first on Contest Tvapatum.

Մասնագիտական կատարելության «Թվապատում» մրցույթն արդեն 9-րդ անգամ կազմակերպում է Մեդիա նախաձեռնությունների կենտրոնը՝ նպատակ ունենալով խրախուսել որակյալ և պատասխանատու լրագրության զարգացումը, մարդակենտրոն պատմությունների ստեղծումն ու տարածումը, նորարար մոտեցումների, ժամանակակից գործիքների կիրառումը, մասնագիտական էթիկայի սկզբունքների պահպանումը և արժևորումը։

«Թվապատում 2023»-ն իրականացվում է ԱՄՆ Միջազգային զարգացման գործակալության աջակցությամբ՝ «Հայաստանի մեդիայի զարգացման ծրագրի» շրջանակում: Մրցույթի աջակիցներն են նաև «Ֆրիդրիխ Նաուման հիմնադրամը», Կարմիր խաչի միջազգային կոմիտեն և «Գիտուժ» նախաձեռնությունը:

«Մենք ուրախ ենք, որ շարունակում ենք լինել «Թվապատում» մրցույթի հիմնական աջակիցը: ԱՄՆ ՄԶԳ-ում մենք կարևորում ենք լրատվամիջոցների դերը ժողովրդավարության առաջխաղացման գործում, դա է պատճառը, որ 2023 թվականին մենք մեկնարկեցինք «Հայաստանի մեդիայի զարգացման ծրագիրը»՝ համագործակցելով տեղական և միջազգային գործընկերների հետ: 15 միլիոն դոլար աննախադեպ բյուջեով հնգամյա ծրագիրը մինչ օրս ամենախոշոր ներդրումն է հայաստանյան մեդիա դաշտում: Աջակցելով «Թվապատում» մրցույթի նման նախաձեռնությունների իրականացմանը՝ մենք վերահաստատում ենք մեր անսասան հանձնառությունը խթանելու անկախ մեդիա դաշտի զարգացմանը՝ որպես ժողովրդավարական արժեքների հիմնաքար»,- իր բացման խոսքում նշեց ԱՄՆ ՄԶԳ հայաստանյան առաքելության տնօրենի պաշտոնակատար Ռեբեկա Ուայթը:

«Թվապատում 2023» մրցութային հանձնաժողովի կազմում մեդիադաշտի և քաղաքացիական հասարակության ներկայացուցիչներ էին․

• Աննա Փամբուկչյան, «Եվրոպական ժողովրդավարացման հիմնադրամի» մեդիա խորհրդատու,
• Արմեն Գրիգորյան, «Ֆրիդրիխ Նաուման հիմնադրամի» ծրագրերի ղեկավար,
• Գնել Նալբանդյան, «Նյումեգ» ամսագրի գլխավոր խմբագիր,
• Կարինե Ասատրյան, «Ա1+»-ի գլխավոր խմբագիր,
• Նազիկ Արմենակյան, «4Plus» վավերագրական լուսանկարչության կենտրոնի տնօրեն,
• Գեղեցիկ Ոսկանյան, «Սիվիլնեթի» լրագրող, «Թվապատում 2022»-ի Գործող անձ անվանակարգի հաղթող։

Հանձնաժողովի գնահատականների և ամփոփիչ քննարկման արդյունքում ընտրվեցին մրցույթի հաղթողները, որոնք ստացան դրամական պարգևներ և «Թվապատում» խորհրդանշական արձանիկներ:

«Թվապատում 2023»-ի Գործող անձ (Homo Agendi) անվանակարգի պատմություններն այն անհատների մասին են, որոնք դրական փոփոխություններ են նախաձեռնում իրենց շրջապատում։ Այս անվանակարգում հաղթեց «Մեդիամաքսի» լրագրող Լուսինե Ղարիբյանի «Արի գյուղ, գյուղում կյանք կա. «շորիկով աղջիկն» ու սիրո հաղթանակի պատմությունը» հրապարակումը: 300․000-ական դրամով պարգևատրվեցին և՛ հեղինակը, և՛ հրապարակման հերոս Անահիտ Գևորգյանը:

Դիտակ հետաքննական լրագրության անվանակարգում մրցանակակիր դարձավ և 250․000 դրամով պարգևատրվեց «Հետք մեդիա գործարանի» լրագրող Զարուհի Տոնիկյանը՝ «Հուղարկավորության գինը. 15 տարում Երևանի գերեզմանատների մակերեսն ավելացել է 91 հեկտարով» հրապարակման համար։

Մեդիա 3.0 տեխնոլոգիաների լավագույն կիրառման անվանակարգում հաղթող ճանաչվեց և 250․000 դրամով պարգևատրվեց «Ամփոփի» լրագրող Կարինե Դարբինյանը՝ «Երկրակեր երկնաքեր Երևան» շարքի համար։

Մրցույթի նոր՝ ԱզդեցIQ անվանակարգի մրցանակը և 250 000 դրամ պարգևը շնորհվեցին 14 տարեկան Տիգրան Գաբրիելյանին՝ ինստագրամի TigranBlog էջում իր ազդեցիկ գործունեության և առցանց արշավի համար։ Այս անվանակարգում դիտարկվում են սոցիալական հարթակներում թվային բովանդակություն ստեղծելու հեղինակային մոտեցումն ու դրա ազդեցությունը հետևորդների շրջանում։

Լուսաբանելով գիտությունը անվանակարգում հանձնաժողովը ընտրեց երկու հաղթող։ 125 000-ական դրամով պարգևատրվեցին «Հետքի» Մարինե Մարտիրոսյանը՝ «Ուսումնասիրվել է Հայաստանի խաղողի սորտերի գենոմը. գիտական արդյունքները կարող են նաև տնտեսական օգուտ բերել» նյութի համար, ինչպես նաև «Ինֆոքոմի» Աննա Սահակյանը՝ «Ճանապարհորդություն դեպի նանոաշխարհ․ նանոգիտության և տեխնոլոգիաների նորարարական կենտրոնից ներս» հրապարակման համար։

Արտակարգ գրություն անվանակարգում հանձնաժողովը հաղթող չընտրեց, սակայն որոշեց երեք նյութերի հեղինակների խրախուսական մրցանակներ հանձնել։ 125 000-ական դրամով պարգևատրվեցին «Հետքի» լրագրողներ Անահիտ Սվարյանը և Հայկ Մակիյանը՝ «Բարև, ես Անահիտն եմ, փնտրում եմ եղբորս» նյութի համար, «Ինֆոքոմի»ի լրագրող Աստղիկ Քեշիշյանը՝ «Մենք իրեն ենք ուժ տալիս, ինքը՝ մեզ․ շրջափակման հետևանքով մարտակերտցի քույր ու եղբայրները 9 ամիս է՝ բաժանված են» նյութի համար, «Մեդիամաքսի» հեղինակ Սոֆիա Հակոբյանը՝ «Բլոկադայում ծնվածներն ու չծնվածները» հրապարակման համար։

Ավանդույթի համաձայն հանձնաժողովը նաև հատուկ մրցանակ շնորհելու որոշում կայացրեց։ «Թվապատում 2023» ամենամյա մրցույթի Հատուկ մրցանակ և 100․000 դրամ պարգև ստացավ լրագրող Սիրանուշ Սարգսյանը՝ «Առավոտում» հրապարակված «Պաշարված Արցախ․ աղոթք ու պայքար օրվա հացի համար» նյութի, ինչպես նաև շրջափակման ընթացքում առցանց հարթակներով մարդկային ճակատագրերի մասին պատմելու և իրազեկելու համար։

«Թվապատում» լրագրողական մրցույթը կազմակերպվում է Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության միջոցով իրականացվող «Հայաստանի մեդիայի զարգացման ծրագրի» շրջանակում: Ծրագիրն իրականացնում է Ինտերնյուս կազմակերպությունը՝ Մեդիա նախաձեռնությունների կենտրոնի, Երևանի մամուլի ակումբի և «Զինք» միջազգային կազմակերպության հետ համատեղ։ 

«Թվապատում 2023» լրագրողական մրցույթին աջակցում են նաև Ֆրիդրիխ Նաուման հիմնադրամը, Կարմիր խաչի միջազգային կոմիտեն և «Գիտուժ» նախաձեռնությունը: 

The post «Թվապատում 2023»-ը հայտարարեց մրցանակակիրներին appeared first on Contest Tvapatum.

Լրագրողական պատմությունները գնահատելիս մասնագիտական հանձաժողովը մեծապես կարևորում է մրցույթին ներկայացված աշխատանքների  որակը, ժամանակակից տեխնոլոգիաների կիրառումը, մրցույթի թեմաներին համապատասխանությունը, ստեղծագործական և նորարարական մոտեցումները:

«Թվապատում 2022» մրցույթի ժյուրիի կազմում մեդիադաշտի փորձառու մասնագետներ են`

• Գայանե Միրզոյան – Ուրբանիստա հարթակի  խմբագիր, «Լրագրողներ հանուն քաղաքների զարգացման» ՀԿ համահիմնադիր, ԵՊԼՀ դասախոս
• Արմեն Գրիգորյան-Ծրագրի համակարգող, Ֆրիդրիխ Նաուման հիմնադրամ
• Սուրեն Դեհերյան- Ամփոփ մեդիայի հիմնադիր և գլխավոր խմբագիր, «Լրագրողներ հանուն ապագայի» ՀԿ նախագահ
• Աննա Սարգսյան- Տեսալսողական մեդիայի մասնագետ, Շողակաթ ՀԸ
• Վաչե Վարդանյան-Արցախում բարեգործական սոցիալական ծրագրերի համակարգող, «Թվապատմում 2021»-ի Homo agendi/Գործող անձ անվանակարգի հաղթող/նյութի հերոս

Ժյուրիի գնահատականների և քննարկման արդյունքում որոշվեցին հաղթողները: Վերջիններս պարգևատրվեցին դրամական մրցանակով և «Թվապատման» խորհրդանիշ արձանիկներով:

Դիտակ անվանակարգում մրցանակակիր ճանաչվեցին և 250 000 դրամ պարգևի արժանացան «Հետք»-ի լրագրողներ Ռիմա Գրիգորյանը և Հայկ Մակիյանը «Երևանի կեղտաջրերը հոսում են Արարատյան դաշտ. 10,4 մլն եվրոյանոց մաքրման կայանը չի շահագործվում» նյութի համար։

Մեդիա 3.0 անվանակարգում հաղթող ճանաչվեց և 200 000 դրամ պարգևի  արժանացավ Infocom-ի լրագրող Նարեկ Մարտիրոսյանը «Հայաստանի սահմանի արևելյան ուղղությամբ վերջին օրերին տեղի ունեցած մարտերի տեղորոշումն ու դրանց զուգահեռ արված հայտարարությունները» նյութի համար։

Արտակարգ գրություն անվանակարգում հաղթող նյութը «Հետք»-ի «Ակնայից՝ Բագրատաշեն․ ապահով անկյան փնտրտուքով» նյութն էր, որի հեղինակներ Անի Սարգսյանը և Ռիմա Գրիգորյանը պարգևատրվեցին 250 000 դրամով:

«Թվապատում 2022»-ի Գործող անձ (Homo Agendi) անվանակարգում հաղթեց CivilNet-ի լրագրող Գեղեցիկ Ոսկանյանի «Թե Աստված կամենա՝ պատրաստ ենք տասնվեցերորդ անգամ էլ ծնող դառնալ․ բազմազավակ ընտանիքի պատմություն» նյութը: 300 000-ական դրամով պարգևատրվեցին և՛ նյութի հեղինակը, և՛ հերոսները՝ Մարտիկ և Անժելա Մելքոնյանները:

Լուսաբանելով գիտությունը անվանակարգում հաղթող նյութը Infocom-ի «Մեքենայական ուսուցումը՝ փորձարարական կենսաբանությունը մրցունակ դարձնելու միջոց․ բարի գալուստ Բջջային տեխնոլոգիաների լաբորատորիա»-ն էր։ Նյութի հեղինակ Աննա Սահակյանը պարգևատրվեց 200 000 դրամով:

Հիմնական անվանակարգերից բացի՝ հատուկ մրցանակների արժանացան լրագրողական աշխատանքներ, որոնք ժյուրիի կողմից բարձր գնահատականի էին արժանացել և աչքի էին ընկել պրոֆեսիոնալ մոտեցմամբ և  ներկայացված թեմայի կարևորությամբ:

Մեդիա նախաձեռնությունների կենտրոնը հատուկ մրցանակ հանձնեց Mediamax-ի լրագրող Գայանե Ենոքյանին՝ «Էլլի նապաստակը՝ պատերազմի կորստի հաղթահարման Տիգրանուհու օրինակը» նյութի համար և արժանացավ 50 000 դրամ պարգևի։

Այս տարի Մեդիա նախաձեռնությունների կենտրոնը սահմանել էր երկու հատուկ մրցանակ՝ ի հիշատակ գործընկերներ Մանանա Ասլամազյանի և Անահիտ Դանիելյանի։ Մարիամ Մանսուրյանին շնորհվեց Մանանա Ասլամազյանի անվան հատուկ մրցանակ «Երևակում» ֆիլմի համար և արժանացավ 100 000 դրամ պարգևի։

4plus-ի լրագրող Նազիկ Արմենակյանը արժանացավ Անահիտ Դանիելյանի հիշատակի հատուկ մրցանակ «Երբ տունդ վառվում է» նյութի համար և արժանացավ 50 000 դրամ պարգևի։

Econews-ի լրագրող Մարիամ Տաշչյանի «Վայրի առևտուր»․ ֆիլմ վայրի կենդանիների միջազգային առևտրի և Հայաստանի մասին նյութը արժանացավ հատուկ հիշատակման պատվոգրի։

«Թվապատում 2022» լրագրողական մրցույթը իրականացնում է Մեդիա նախաձեռնությունների կենտրոնը: Միջոցառմանն աջակցում են Ֆրիդրիխ Նաուման հիմնադրամը, Կարմիր խաչի միջազգային կոմիտեն և «Գիտուժ» նախաձեռնությունը:

The post Հայտնի են «Թվապատում 2022» լրագրողական մրցույթի մրցանակակիրները appeared first on Contest Tvapatum.

Լրագրողական պատմությունները գնահատելիս մասնագիտական հանձաժողովը մեծապես կարևորում է մրցույթին ներկայացված աշխատանքների որակը, ժամանակակից տեխնոլոգիաների կիրառումը, մրցույթի թեմաներին համապատասխանությունը, ստեղծագործական և նորարարական մոտեցումները:

«Թվապատում 2021» մրցույթի ժյուրիի կազմում մեդիադաշտի փորձառու մասնագետներ էին`

• Կարեն Հարությունյան, «Սիվիլնեթ»-ի գլխավոր խմբագիր,
• Գոհար Տեր-Հակոբյան, Կարմիր խաչի միջազգային կոմիտեի աուդիո-վիզուալ արտադրանքի պատասխանատու,
• Մանանա Ասլամազյան, մեդիա մենեջեր, Ռուսաստանի հեռուստաակադեմիայի անդամ,
• Քրիստինե Ալագուլյան, ԵՊՀ ժուռնալիստիկայի ֆակուլտետի դասախոս, «Շանթ» ՀԸ մեկնաբան,
• Խանե Պողոսյան, վավերագրող ռեժիսոր, նախորդ մրցույթի «Գործող անձ» անվանակարգի հաղթող:

Ժյուրիի գնահատականների և քննարկման արդյունքում որոշվեցին հաղթողները: Վերջիններս պարգևատրվեցին դրամական մրցանակով և «Թվապատման» խորհրդանիշ արձանիկներով:

The post Ամփոփվեց «Թվապատում 2021» լրագրողական մրցույթը appeared first on Contest Tvapatum.

Այս տարի լրանում է Մեդիա նախաձեռնությունների կենտրոնի գործունեության 25 ամյակը։ Մենք միշտ կարևորել ենք ազատ, անկախ և պատասխանատու լրագրությունը։ Եվ այս տարին էլ ամփոփում ենք՝ ևս մեկ անգամ նշելով մեր գործընկերների աշխատանքի կարևորությունը։

«Թվապատում 2020»-ի ժյուրիի կազմում են Հայաստանի մեդիադաշտի հայտնի մասնագետներ՝

• Մեսրոպ Հարությունյան, ԵՊԼՀ-ի դասախոս, մեդիափորձագետ,
• Լևոն Սևունց, ՍիԲիՍի-ի Միջազգային Կանադական Ռադիոյի անգլիական բաժնի լրագրող և պրոդյուսեր,
• Գոհար Տեր-Հակոբյան, Կարմիր խաչի միջազգային կոմիտեի թվային հաղորդակցման մասնագետ,
• Մանանա Ասլամազյան, մեդիա մենեջեր, Ռուսաստանի հեռուստաակադեմիայի անդամ,

Ինչպես յուրաքանչյուր տարի՝ ժյուրիի մասնագիտական կազմում էր նաև նախորդ մրցույթի «Գործող անձը»՝ 4 Plus-ի «Տաթևիկ» պատմության հերոսը Տաթևիկ Ռևազյանը:

«Թվապատում 2020. պատմություններ փոփոխությունների մասին» լրագրողական մրցույթն ուներ նոր անվանակարգ՝ արտակարգ գրություն՝ պայմանավորված Covid 19 համավարակով։

Ժյուրիի գնահատականների և քննարկման արդյունքում որոշվեցին հաղթողները: Վերջիններս պարգևատրվեցին դրամական մրցանակով և Թվապատման խորհրդանիշ արձանիկներով:

Ստատուս․ մարդու իրավունքներ անվանակարգում հաղթող ճանաչվեց և 250 000 դրամի արժանացավ EVNreport.com-ից Աստղիկ Կարապետյանը՝ «Երեխաները սեռական ոտնձգությունների թիրախում. մտահոգություններ և անվտանգ միջավայրի փնտրտուք» նյութի համար:

Ստուգված է անվանակարգում լավագույնը ճանաչվեց և 200 000 դրամի արժանացավ Hetq.am-ի լրագրող Սեդա Հերգնյանը «Հայաստանից 3 տոննա ոսկերչական իրերի կիսապատրաստուկ է արտահանվել Ռուսաստան. պատմություն՝ կասկածելի ցուցանիշներով» նյութի համար։

Արտակարգ գրություն անվանակարգը նորություն էր «Թվապատում» մրցույթում։ Հաղթող նյութը Armeniasputnik.am-ի «Նրանք պայքարում են կորոնավիրուսային դժոխքում. մի քանի ժամ վերակենդանացման բաժանմունքում» ֆոտոպատմությունն էր, որի հեղինակ Նանա Քնար Մարտիրոսյանը պարգևատրվեց 200 000 դրամով:

Դիտակ. հետաքննական լրագրություն անվանակարգում մրցանակակիր ճանաչվեց և 250 000 դրամի արժանացավ Info.com-ից Մարգարիտա Ղազարյանը ՝ «860 հատված ծառ և ոչ մի ջրթույլտվություն․ Լիճքի հանքավայրի բաժնետերերի, շահագործման և դադարեցման առեղծվածը» մուլտիմեդիա պատմության համար։

Հատուկ մրցանակ՝ Մարդասիրական թեմաներով անվանակարգում հաղթող նյութն էր Hetq.am-ի Մերի. «Կարենն ինձ թևեր տվեց» մուլտիմեդիա նյութը, որի հեղինակներ Մարինե Մարտիրոսյանը և Վահե Սարուխանյանը պարգևատրվեցին 200 000 դրամով:

Ռեինֆորմացիա. բարեփոխումների լավագույն լուսաբանում անվանակարգում հաղթող ճանաչվեց և 250 000 դրամի արժանացավ Yerevan.today-ից Գևորգ Ավչյանը «Հայաստանի էներգետիկ «այլընտրանքը»» մուլտիմեդիա պատմության համար։

«Թվապատում 2020»-ի Գործող անձ (Homo Agendi) անվանակարգում հաղթեց Հանրային հեռուստաընկերության «Մեր ժամանակների հերոսը․ Լուսինե Բարաթյան» պատմությունը: 300 000-ական դրամով պարգևատրվեցին նյութի հեղինակ Խանե Պողոսյանը և հերոս Լուսինե Բարաթյանը:

Հիմնական անվանակարգերից բացի՝ հատուկ և խրախուսական մրցանակների արժանացան մեդիա պատմություններ, որոնք տպավորեցին ժյուրիին նյութերի լրագրողական բարձր որակով և ներկայացված թեմայի կարևորությամբ:

Մեդիա նախաձեռնությունների կենտրոնը 100 000-ական դրամ հատուկ մրցանակ հանձնեց երկու պատմության հեղինակների՝ Ampop.am-ից Լիլիթ Պողոսյանին՝ «Չհարկվող գույք չի մնալու․ ՀՀ-ում գույքահարկ վճարողներն ու վճարի չափերը՝ 2021թ․-ից» նյութի համար, Chai-khana.org-ի լրագրող Անի Ռափյանին՝  «Ապրել առանց մահվան վախի» պատմության համար։

Խրախուսական 50 000 դրամական պարգևի արժանացան Zangezur.tv-ից Անուշ Միրզոյանը՝ «Հոգու կարիքներ» ռեպորտաժի համար, Aravot.am-ի լրագրող Նարեկ Մարտիրոսյանը՝ «Հայաստանի սպանդանոցների տեղաբաշխվածությունը ըստ մարզերի» նյութի համար։ Խրախուսական 50 000 դրամական պարգևի արժանացավ նաև Hetq.am-ի «Հայկական COVID-19 թեստերն արտադրող սարքերը չեն համապատասխանում օրենքի պահանջներին» հետազոտական նյութի հեղինակ Տաթև Խաչատրյանը։

2 լրագրողական պատմություններ արժանացել էին ժյուրիի բարձր գնահատականներին, բայց քանի որ ստեղծվել էին «Մեդիան քաղաքացիների տեղեկացված մասնակցության համար» ծրագրի շրջանակներում, մրցանակների փոխարեն արժանացան հատուկ հիշատակման պատվոգրերի։

 «Թվապատում» մրցույթը կազմակերպվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում: Մրցույթներն իրականացնում է Մեդիա նախաձեռնությունների կենտրոնը: Միջոցառմանն աջակցել է Կարմիր խաչի միջազգային կոմիտեն։

The post «Թվապատում 2020»-ը ամփոփեց տարին appeared first on Contest Tvapatum.

«Թվապատում 2019»-ի ժյուրիի կազմում են Հայաստանի մեդիադաշտի հայտնի մասնագետներ՝

• Լիլիկ Ստեփանյան, ԵՊԼՀ-ի դասախոս, լրագրող,
• Հակոբ Կարապետյան, Երևանի քաղաքապետարանի մամուլի քարտուղար,
• Գոհար Տեր-Հակոբյան, Կարմիր խաչի միջազգային կոմիտեի թվային հաղորդակցման մասնագետ,
• Մանանա Ասլամազյան, մեդիա մենեջեր, Ռուսաստանի հեռուստաակադեմիայի անդամ,

Այս տարի ևս ժյուրիի կազմում էր նախորդ տարվա «Գործող անձ» անվանակարգում հաղթած հրապարակման հերոս Սիփան Ասատրյանը։

«Թվապատում 2019. պատմություններ փոփոխությունների մասին» լրագրողական մրցույթն ուներ երկու նոր անվանակարգ՝ նվիրված փաստերի ստուգմանն ու մարդասիրական թեմաներին:

«Homo Agendi (Գործող անձ)» անվանակարգում հաղթեց 4 Plus-ի «Տաթևիկ» պատմությունը:

300 000-ական դրամով պարգևատրվեցին նյութի հեղինակ Վաղինակ Ղազարյանն ու հերոս՝ Տաթևիկ Ռևազյանը: Տաթևիկը մրցանակի գումարը ուղղել է Տիգրան Ամիրխանյանի բուժմանը։

«Ռեինֆորմացիա. բարեփոխումների լավագույն լուսաբանում» անվանակարգում հաղթող  ճանաչվեց և 250 000 դրամի արժանացավ Աստղիկ Գևորգյանը՝ Ampop.am-ում հրապարակված «Համայնքների միավորում և խոշորացում. Բնակիչների համաձայնությունը ոչ միշտ է առկա» մուլտիմեդիա լրագրողական աշխատանքի համար:

«Դիտակ. հետաքննական լրագրություն» անվանակարգում մրցանակակիրը «Հետք»-ի լրագրող Քրիստինե Աղալարյանն էր՝ «Հայկական ոսկու գինը. Աղքատ համայնքներ և լքված պոչամբարներ» հետաքննական պատմությամբ: Նա ևս արժանացավ 250 000 դրամի։

«Ստատուս․ մարդու իրավունքներ» անվանակարգում մրցանակի և 250 000 դրամական պարգևի արժանացավ «Առավոտ»-ի լրագրող Նելլի Բաբայանը «Սովորույթի ուժով՝ ընդհատելով կրթությունը» վավերագրական ֆիլմի համար:

«Մեդիա 3.0․ տեխնոլոգիաների լավագույն կիրառում» անվանակարգում մրցանակի  է արժանացել «Հետքի» լրագրող Դիանա Ղազարյանը «Մենակ դասարանում. Հայաստանում 452 երեխա դասարանի միակ աշակերտն է» մուլտիմեդիա պատմության համար և պարգևատրվել 200 000 դրամով:

«Ստուգված է. տեղեկությունների ստուգում» անվանակարգում լավագույն լրագրողական աշխատանք է ճանաչվել 24news.am-ի «Շաքարավազի շուկայում հեղափոխությունից հետո ավելացել է Սամվել Ալեքսանյանի հարևանը» մուլտիմեդիա նյութը: Հեղինակ Լիլիթ Հովհաննիսյանը պարգևատրվեց 200 000 դրամով։

«Թվապատում» մրցույթում հատուկ մրցանակ շնորհվեց Երևանի քաղաքապետարանի անունից՝ «Կենտրոնում 14 մանկապարտեզ է փակվել. տարածքը՝ վաճառվել» հետաքննության համար «Հետքի» լրագրողներ Սեդա Ղուկասյանին, Սարո Բաղդասարյանին և Տիրայր Մուրադյանին։

Մարդասիրական թեմաներով հատուկ մրցանակի արժանացավ Լուսին Մկրտչյանը «Մեդիամաքսում» հրապարակված «Վազաշեն. Կրակոցները, պարող և «Արարատը մեր լեռն է» երգող աղջիկները» նյութի համար:

Մեդիա նախաձեռնությունների կենտրոնը հատուկ մրցանակ հանձնեց նաև երեք պատմության հեղինակների՝ Mediamax.am-ից Ամալի Խաչատրյանին՝ «Զրոյից» շարքի համար, Daphnearmenia.com-ից Վահե Ներսեսյանին՝ «40 տարվա լռություն» նկարազարդած

պատմության համար, Hetq.am-ից Մարինե Մարտիրոսյանին՝ «Հայաստանի «փակ քաղաքները»․ հոգեբուժարաններ» հետազոտական նյութի համար։

«Թվապատման» խրախուսական մրցանակների արժանացան  EVNreport.am-ում հրապարակված նյութերի երկու հեղինակներ՝ Արշալույս Բարսեղյանը «Կհավատա՞ս» լրագրողական աշխատանքի համար և Կուշանե Չոբանյանը «Տիգրան Գևորգյան. Կոտրելով կարծրատիպերը» նյութի համար: Խրախուսական մրցանակ շնորհվեց նաև նյութի հերոս Տիգրան Գևորգյանին, որը բարդություններով, համբերությամբ ու համառորեն անցնում է իր կյանքի ճանապարհը՝ հաղթահարելով Դաունի համախտանիշով մարդկանց հանդեպ եղած նախապաշարումները:

The post Հայտնի են «Թվապատում 2019»-ի մրցանակակիրները appeared first on Contest Tvapatum.

Քրիստինեն պատմեց, որ նյութը մշակվել է միջազգային հաքաթոնի շրջանակում՝ ռուս գործընկերների օգնությամբ. «Պատմությունը վիզուալ ավելի հետաքրքիր ներկայացնելու համար ինձ որոշ գործիքներ էին անհրաժեշտ, որոնց հնարավորությունը տվեց Readymag-ը: Մեկ-երկու տարի առաջ այս հարթակը դեռ շատ չէր օգտագործվում հայաստանյան լրատվամիջոցներում: Ուրախ եմ, որ Մեդիա նախաձեռնությունների կենտրոնը դասընթացների միջոցով այս գործիքը բերեց ու մատուցեց ոլորտի հետաքրքրասերներին»:

«Ես քվեարկում եմ» անվանակարգի հաղթողին որոշել են հենց մրցույթին մասնակցած լրագրողները՝ ժյուրիի կողմից ամենաբարձր միավորներ ստացած 20 պատմություններից:

Թվապատման այս մրցանակը հանձնում ենք վերջին անգամ, հայտարարում ենք «Թվապատում 2019» լրագրողական մրցույթի մեկնարկը, որտեղ ունենք երկու նոր անվանակարգ` «Ստուգված է. տեղեկությունների ստուգում» և հատուկ մրցանակ՝ մարդասիրական թեմաներով:

Մինչև հուլիսի 31-ը կսպասենք փոփոխությունների մասին պատմությունների, որոնք պետք է հրապարակված լինեն հայաստանյան լրատվամիջոցներում 2018 թ հուլիսի 30-ից 2019թ. հուլիսի 30-ը:

Մրցույթի անվանակարգերին, մասնակցության պայմաններին, հայտաթերթին և այլն մանրամասների կարող եք ծանոթանալ Թվապատման կայքում:

The post Անտառի եզրը ստացավ «Թվապատում 2018»-ի «Ես քվեարկում եմ» մրցանակը appeared first on Contest Tvapatum.

Ի՞նչ է փոխվում Հայաստանում, և ի՞նչ են փոխում լրագրողական պատմությունները: Երրորդ տարին անընդմեջ անցկացվող մրցույթի առանցքային թեմաներն են սոցիալական, հաշվետու և թափանցիկ կառավարման ոլորտները, համայնքների խոշորացումը, մարդու իրավունքները:

Տարբեր ժանրեր ներկայացնող լրագրողական պատմություններն ուսումնասիրելիս ժյուրին կարևորում է հատկապես աշխատանքի որակը, մրցույթի թեմաներին համապատասխանությունը, ստեղծագործական և նորարարական մոտեցումները:

«Թվապատում 2017» մրցույթի ժյուրիի կազմում մեդիադաշտի հայտնի և փորձառու մասնագետներ են`

• Վիգեն Սարգսյան, Համաշխարհային բանկի հայաստանյան գրասենյակի արտաքին կապերի պատասխանատու,
• Մեսրոպ Հարությունյան, մեդիա փորձագետ, դասախոս,
• Մարիա Թիթիզյան, EVNreport.com-ի գլխավոր խմբագիր,
• Մանանա Ասլամազյան, մեդիա մենեջեր:

Շարունակելով ավանդույթը՝ այս տարի ևս ժյուրիի մասնագիտական կազմը համալրեց նախորդ մրցույթի «Գործող անձը»՝ Բասեն համայնքի գյուղապետ Համլետ Պետրոսյանը:

Ժյուրին ուսումնասիրեց և գնահատեց ներկայացված հայտերը, ապա քննարկման արդյունքում որոշեց հաղթողներին: Վերջիններս պարգևատրվեցին դրամական մրցանակով և Թվապատման խորհրդանիշ արձանիկներով:

Մեդիա 3.0. տեխնոլոգիաների լավագույն կիրառում անվանակարգում հաղթող ճանաչվեց և 200 000 դրամի արժանացավ Ampop.am-ի թիմը՝ Երևանի ավագանու ընտրություններին ընդառաջ  մայրաքաղաքի համայնքային խնդիրներին լրագրողական ուսումնասիրությունների շարքով անդրադառնալու համար:

Դիտակ. հետաքննական լրագրություն անվանակարգում հաղթող ճանաչվեց և 250 000 դրամով պարգևատրվեց Hetq.am-ի լրագրող Հրանտ Գալստյանը` «Ապրիլի զոհերը» նյութի համար:

Ռեինֆորմացիա. բարեփոխումների լավագույն լուսաբանում անվանակարգում ժյուրին հիմնական մրցանակ չշնորհեց, փոխարենը հանձնեց երկու 100 000-ական դրամ հատուկ մրցանակ Սուսան Բադալյանին՝ Հանրային հեռուստաընկերությամբ հեռարձակված «Պետության պոզիտիվ պարտավորությունը. միայնակ տարեցների խնամք» պատմության,    Անուշ Մուրադյանին՝ Azatutyun.am-ում հրապարակված «Հաշմանդամության կարգ ունեցողների թիվը կրճատվում է, քաղաքացիները բողոքում են» տեսանյութի համար:

«Թվապատում 2017»-ի Գործող անձ (Homo Agendi) ճանաչվեց Հասմիկ Խաչատրյանը՝ Daphne.am նախագծի «Բռնությունից ազատ բիզնես լեդի» պատմության հերոսը: 300 000-ական դրամով պարգևատրվեցին նյութի հեղինակը՝ Լիլիթ Առաքելյանը, և հերոսը՝ Հասմիկ Խաչատրյանը:

Հիմնական անվանակարգերից բացի՝ ժյուրին հատուկ և խրախուսական մրցանակներ շնորհեց պատմությունների, որոնք հետաքրքրեցին, հուզեցին կամ հիացրեցին:

Լավագույն  թվային պատմության համար հատուկ մրցանակ շնորհվեց Civilnet.am-ում հրապարակված «Թլիկ. ամենօրյա պայքար ջրի համար» տեսանյութի հեղինակ Ժաննա Պողոսյանին:

«Բարս Մեդիա» վավերագրական ֆիլմերի ստուդիայի արտադրած և «Երկիր Մեդիա»  հեռուստաընկերությամբ հեռարձակված «Ճանապարհ» ֆիլմի հեղինակ Անժելա Ֆրանգյանը ստացավ հատուկ մրցանակ՝ մասնագիտական բարձր որակի և  հերոսների հետ յուրահատուկ աշխատանքի համար:

«Մասնագիտությունը՝ լրագրող» հաղորդաշարի «Հանուն հավասարության» թողարկման համար հեղինակներ Սոնա Աբրահամյանը և Աելիտա Չիլինգարյանը հատուկ մրցանակի արժանացան՝ սոցիալական կարևոր թեմայի ամբողջական և բազմակողմանի լուսաբանման համար:

«Դասավանդի՛ր, Հայաստան» ծրագրի շրջանակում մարզեր մեկնող երիտասարդ ուսուցիչների ոգևորող կերպարները Mediamax.am-ում գրավիչ պատմությունների շարքով ներկայացնելու համար խրախուսական մրցանակ շնորհվեց լրագրող Լուսինե Ղարիբյանին:

Մեդիա նախաձեռնությունների կենտրոնն իր կողմից պատվոգրեր հանձնեց երեք նյութի հեղինակներին՝ Թեհմինե Ենոքյանին` «Փուչիկ արդարադատություն» ֆիլմի, Զարուհի Մեջլումյանին և Գրիշա Բալասանյանին՝ «Բանտային սնունդը» հոդվածաշարի, Ռուզաննա Գիշյանին և Արուս Հակոբյանին՝ «Գյուղամեջ․ արևին ամենամոտ գյուղը․ Բասեն» ֆիլմի համար՝ նշելով այս նյութերի լրագրողական բարձր որակը և ներկայացված թեմաների կարևորությունը:

Ես քվեարկում եմ. լսարանի վստահության մրցանակ անվանակարգի հաղթողին այս տարի կորոշեն մրցույթի մասնակիցները, ովքեր կքվեարկեն ժյուրիի կողմից ամենաբարձր միավորներ ստացած 20 նյութից որևէ մեկի օգտին:

Հաղթողի մասին, նաև մրցույթին առնչվող այլ տեղեկություն կարող եք գտնել «Թվապատում» կայքում:

The post «Թվապատում 2017»-ը հայտարարեց մրցանակակիրներին appeared first on Contest Tvapatum.

The post «Ես քվեարկում եմ» անվանակարգում հաղթեց «Բարի մաման» appeared first on Contest Tvapatum.